/
 
 

Nata Ngai

飲恨己沒有資格成為"三十歲以下必留意十位時裝界新星",唯有走回務實路線,在工作室燒燒揼揼做個煉金學徒。雖六根未能清靜,但總算清潔了兩只耳根,聽多了自己胡言亂語。
IG:@akissisjustak_xx
FB:https://www.facebook.com/akissisjust/

聖類斯Peter

 

 

 

明天DSE放榜,我呼籲各位長輩不要私訊世侄們太多「柳暗花明又一村」等鼓勵說話。如果佢媽媽/爸爸是你好友,你應該打個電話給他們。輔導一下如果阿珠女/恒仔成績萬一不如他們所想,應該對子女做什麼,講什麼才能舒緩年青人當刻的壓力,在收成績後能盡快重拾心情想想自己有什麼路可走。又可以發一條聖類斯Peter音頻給他!(以下有link提供)這刻一個微笑力量才是繼續上路的寶礦力。

 

先不要在放榜後的兩句鐘內問他數次有何打算。這刻他們有來自四面八方的過來人,放榜指南和學校資訊要消化,你道聽途說的建議可能不適合每一個人,他的成績好與壞已是定局,怎麼再改JUPAS選科的策略才重要。年青人第一次為自己選科的決定投信任票是一個成長過程。身為家長是要get ready子女的最後選擇,陪伴他們內心掙扎的階段。而不是告訴他們不用怕,媽媽有Plan B, 己有四百萬準備給你到英國留學。

 

我明白很難説服自己求學不是求分數,父母的宏觀一跳就跳到畢業搵工起薪點,福利,求偶機會。倒不如認真聽子女自覺天份興趣於那一範。再分析給他們聽理想與現實中有可能的差距。說實,可謂選擇錯誤?資源錯配?嘥時間?如果要這樣計,你不應該生育,因為你生了一個人生煩惱和計時炸彈。

 

我記得當年會考放榜後,媽媽係做等位飲茶角色。沒有姨媽姑姐加入,也沒有投來信任眼神,一手拿了一籠馬拉糕給我定驚。然後撩著牙的說:「我乜都唔驚!我最驚你入娛樂圈。」一句幫唔到手的回覆現在回想起覺得是無限的愛。這是我最可愛的母親。

 

明天晚上,弄一道家常便飯,過一個平凡的星期三吧!

 

沒有機會睇林海鋒的是但噏,我仍久不久聽他當年鬼上身般玩人電話。1992年八月一日,放榜前夕的Peter,跟你一樣的緊張!

A:喂。
Peter:係咪嗰啲會考嗰啲講咩啊?
A:會考嗰啲咩展覽吓嗎?聽日先有得派喎!
Peter:我想問定一下學校嗰啲章程呢⋯因為而家我未放榜,我有啲擔心啊!
A:擔心做乜啊?
Peter:擔心會考成績唔係幾好,影響⋯
A:噢!你諗住打放榜熱線吓嗎!
Peter:唔係唔係啊!小姐,我係會考放榜擔心即係考得唔好,想聽下你哋有乜意見幫到搵學校啦!
A:係囉!熱線電話啊嗎!
Peter:唔係啊!我係想問嗰啲講座啊!
A:講座?今日咪講完囉!
Peter:你講完啦?
A:咩我講完啊!咪講咗囉,今日係八月一號嗎?
Peter:唔係「講咗」啊,係問你「講座」啊!我問你講座,你又話我講咗!
A:你等一陣下。

換來Y同事。

Y:喂,乜事呀?
Peter:我係聖類斯!我叫Peter,係Form5嘅,我想問嗰啲講座嗰啲嘢。
Y:講座!你想聽講座呀?我哋八月一號今日已經完咗喇喎!你知唔知我哋幾時放榜啊?
Peter:你放榜我點知姐!我自己放⋯我都就放啦!
Y:唔係啊,我哋今日有個放榜講座嗎,你係咪想嚟聽啊?
Peter:我好想聽啊!
Y:我哋已經完咗啦喎。
Peter:哎呀⋯可唔可以講番撮要俾我啊。
Y:我哋請嘉賓嚟講,唔可以講撮要俾你聽喎!

(click入去重温啦, 我唔打字啦!)

BY Nata Ngai
BY Salma Kadir
BLOG , PEOPLE & LIFE

TOP 5