結婚實在好易出現時裝車禍，唔好話晚裝，就連白色長裙都幾廿年唔着一次，無經驗又無安全感，就只好盲試盲測，經常唔係太隆重老土到一個點，就係完全無自己個性失手收場。就算名人婚禮都好易出事，Angelababy一襲Dior嫁衣氣派十足但安全無咩驚喜，不能不提車禍代表作城嫂，一襲蕾絲嫁衣娘味十足。但最近丁文琪發佈身穿訂製嫁衣婚照，V領設計帶半點少女味又唔會太小家小氣，出得大場面又仙氣逼人。裙款不加多餘裝飾，剪裁略鬆但亦緊貼身體曲線，加上薄薄長袖，真係好抵讚。原來套婚紗並非大牌子，而係來自台灣婚紗店Ms Ideas，設計大多走清新路線，實屬不少低調時裝精品味好選擇。
台灣婚紗店Ms Ideas靚作：
丁文琪其實都消失於幕前好一段時間，好多人對佢未必太認識，但今次婚照真係令人對佢留下深刻印象。除咗係輕井澤舉辦派對，亦請來日本著名攝影師川島小鳥執鏡，未必如Angelababy般平地一聲雷，但勝在以品味取勝。又例如婚照中另一套兩件式婚妙，平日當日常着裝亦相當優雅，配上創意頭飾花環、童稚皇冠、公仔頭飾點綴，極具個人特色、冒險精神又不突兀，可算是小品示範作。
Comments