等了又等，令人期待嘅復活節長假終於嚟啦（~旋轉with me*）！往時一定請假飛去日本玩番轉，今年無得飛就唯有諗辦法令自己復活啦，唔使用劍嘅，用明仔方法包你 WORK 呀！
明仔有咩癖好？今個禮拜 PICK 咩好？
#ALEX 明仔癖
今個禮拜主題係復活方法，第一時間明仔就諗到一套有番咁上下歷史嘅港產片《無限復活》。當年（2002 年）上映前，作為賀歲片《無限復活》不斷於電視上賣廣告，印象中廣告仲有高呼幾次「無限復活，無限復活」。當年年少嘅明仔覺得好伏，所以往後見到 DVD 都未有興趣睇，直到好幾年前電視偶然睇到先知走寶。
《無限復活》
故事講述鄭伊健飾演嘅賭徒同朋友諗住去拉斯維加斯發大財，身家輸光之餘仲因為車禍令朋友過身，後來遇到張柏芝飾演的女警，誤打誤撞時光倒流，獲得救回摯友的機會。故事是港產片中少有嘅多重宇宙題材，情節曲折且繁複，而導演劉鎮偉將述事處理得很好，而戲中兩位主角當年正值最佳狀態，乘風破浪嘅姐姐已經今非昔比。明仔決定放假重溫呢套經典，等自己都可以「無限復活，無限復活」。
YOU MAY ALSO LIKE…
#CHERIE 明仔癖
以為靠復活節幾日假就可以復活，太樂觀了，但應節的復活蛋我還是可以介紹的。
REAL TECHNIQUES
這個可以讓你偽復活的復活蛋，是上妝用的海綿粉撲，又稱美妝蛋。要化個細緻透亮的底妝，除了可用刷具之外，使用化妝海綿亦可加強服貼感，而海綿造型和材質亦可以對妝感的影響很大。
來自英國的專業彩妝道具品牌 REAL TECHNIQUES 以平價又高品質的產品廣受歡迎，而呢款美妝蛋擁有乾濕兩用的特性，最令人驚喜的是，亦可用於沾附粉餅，且比一般粉撲更能打造出服貼妝容，鍾意霧面質感粉餅的朋友不妨試試看。
YOU MAY ALSO LIKE…
#CURTIS 明仔癖
यावन्न जरामरणं न जरामरणक्षयो
不生
不滅
諸法
空相
YOU MAY ALSO LIKE…
#EELY 明仔癖
講到復活節呢個長假嘅確實執行方法，明仔我兩個禮拜前就已經諗好啦 一 就係要 HEA 攤喺梳化度打機！然後前幾日又喺 YOUTUBE 度見到有人直播玩緊呢款遊戲，諗一諗又發現玩恐怖 GAME 被嚇一嚇，好似又係一個幾好嘅復活方法喎！
LAYERS OF FEAR
呢款遊戲叫 LAYERS OF FEAR 「層層恐懼」，玩家會以第一身視角去探索故事劇情同地圖，透過係遊戲裏面收集線索，逐步去揭露精神病畫家內心嘅秘密。比起一般恐怖遊戲刻意嘅 JUMP SCENES ， LAYERS OF FEAR 更多係透過背景音樂同場景設計嚟營造迷幻懸疑嘅氛圍。裏面嘅畫作呈現同聲光效果超精美，好值得一玩！
YOU MAY ALSO LIKE…
#FAI 明仔癖
GAVOTTES 法式純味朱古力薄脆
講朱古力之前，先講復活蛋。有一說法復活蛋最初係由教徒將蛋塗成紅色，再請神父祝聖，然後送比朋友作為禮物，情況就好似我哋食紅雞蛋咁。
依家嘅復活蛋普遍都係以朱古力製成，然後父母就會分散咁收藏好，再由小朋友去搵。而我諗亞洲地區好多人都係食朱古力產品就當應節，明仔就係其一。
推薦呢款 GAVOTTES 嘅法式純味朱古力薄脆，以黑朱古力製成，同時配以香脆而有層次嘅薄脆，大大減低咗甜膩嘅感覺，非常襟食。
Comments