最近兩日個天好似有脾氣甘，一時又放晴，一時又落雨，搞到反緊工既明仔成個人都混混沌沌甘。落雨最煩就係個人無晒造型之餘又濕衫濕褲，不過唔驚，因為明仔有落雨穿搭術！
明仔有咩癖好？今個禮拜 PICK 咩好？
#ALEX 明仔癖
俗語話「細時偷針，大時偷金。」明仔我就細時著 EVERYBODY 便利雨衣，大個就要著 VETEMENTS 中二雨衣，咁先係真。FASHION 精。
VETEMENTS 雨褸
嗱，雖然呢件 VETEMENTS 雨褸要索價 7 千幾，但絕對係物有所值嘅，點解呢？你諗下，平時出街衫褲褸加埋都唔止 7 千啦，一件靚啲褸都萬幾，而家講緊落雨喎，落雨整濕你啲衫都大鑊啦。7 千幾蚊嘅 VETEMENTS 就咁一件搞掂，落雨都可以型過人，「落雨也不怕，落雪也不怕。」，無點你！
VETEMENTS 雨褸
YOU MAY ALSO LIKE…
#CHERIE 明仔癖
我不喜歡雨天。
出街時要應對大批沒考「遮牌」的路人，雨水沿遮滴晒落身，嬲。落大雨昤水灘處處，行路大力少少就彈水上腳，嬲。落細雨昤地面濕滑，稍有不稍還會滑倒，嬲。春雨綿綿，除了影響人心情之外，仲好影響人穿搭同妝容。無人會想穿一身華麗名牌然後仆低，衫方面我會 PICK 返較會跣水的質地，設計樸素如 JIL SANDER 風褸就較好，風格低調又跣水，仆低都無咁多人睇到（應該）。而妝容上，師承 MINGS BEAUTY ROOM 教學，知道 MAC 的 PREP AND PRIME FIX 定妝功能尤佳，可抵擋到撒落在妝容上的雨粉，保護功能很不錯。太大雨就另計啦…總之不喜歡雨天。
M.A.C PREP AND PRIME FIX
YOU MAY ALSO LIKE…
#CURTIS 明仔癖
美國百年戶外牌子 L.L. BEAN ，誕生於 1912 年的經典獵鞋設計。除了 BEAN BOOT ，也有 DUCK BOOT 之稱。過了超過一百年，仍然於美國緬因州的廠房製造。設計雖古舊，但仍然落雨不怕落雪也不怕。
L.L. BEAN BOOT
YOU MAY ALSO LIKE…
#EELY 明仔癖
一落雨就表示個頭又要塌，而明仔我向來就最憎頭塌嘅。如果你同我一樣，我就建議大家一齊戴型帽，遮住之餘仲可以有個造型望下甘。
KANGOL 504
而係甘多頂帽中，明仔我就最 LIKE KANGOL 嘅 504 啦！呢款又叫「賊仔帽」，正戴反戴兩種戴法都可以，唔怕悶。然後又有好多顏色同 TEXTURE 可以揀（我個頂係深藍色 WOOL ），一年四季襯咩衫都可以架！
YOU MAY ALSO LIKE…
#FAI 明仔癖
落雨天，對襪濕咗先係最大慘劇，但大雨起上嚟擔遮都冇用，因為你差一對裝甲車咁兇悍嘅防水波鞋，呢一對 NIKE ODYSSEY REACT SHIELD 就連唔太喜歡襯搭波鞋嘅明仔都要推薦下。
NIKE ODYSSEY REACT SHIELD
一對波鞋啲鞋帶窿、鞋舌位冇把好關，就算講到幾防水都假。呢對 NIKE ODYSSEY REACT SHIELD 有幾點要讚下佢，首次佢係索繩式鞋帶，大大減低喺鞋舌滲水嘅機會；另外佢哋採用咗功能性膠帶接縫，配合埋防水布料，有全面嘅防護；最後當然係夠瘦夠靚。
雖然唔係新款，甚或乎 NIKE ODYSSEY REACT SHIELD 早前都出咗，但明仔依然覺得外形上，舊款較為流線修身，新款除了真係較大舊，加上材質反光，略為顯闊，畢竟裝甲車肥大兇悍嘅外型唔係其可取之處，保護性先係。
配色有好多選擇，一眾「黑魂」唔駛擔心，全黑款都非常靚仔易襯，而我自己最鐘意就係黑灰色撞白色，大家不妨試下搜購一下，裝甲 MODE 全開。
Comments