上星期先講完明仔會去郊遊，今個星期明仔又再進入打稿打到天昏地暗嘅狀態，已經將捱夜當食生菜嘅明仔，對於捱夜後提神自然有自己嘅小秘方，會唔會同大家嘅撞咗呢？
明仔有咩癖好？今個禮拜 PICK 咩好？
#ALEX 明仔癖
提神自然會諗起咖啡，但可惜明仔唔飲得咖啡，一飲唔係頭痛就肚仔怪怪（其實唔夠瞓飲奶茶都會，可能明仔個人虛啦），所以最好提神只好另覓方法，就係搵啲酸嘢醒神。
SCHWEPPES +C 有氣檸檬汽水
除咗會食啲咩陳皮呀、酸薑咁，明仔覺得最快提到神就係+C有氣檸檬汽水，點解呢？其一係佢酸酸甜甜開正明仔果瓣，其二係飲完汽水果下 GUR 氣真係會醒一醒，有時仲會 GUR 到標眼水，諗起都醒神。
YOU MAY ALSO LIKE…
#CHERIE 明仔癖
提神方法當然就係睡眠，如果唔夠瞓而強行飲用提神飲料，往往會由提神變傷神。雖然我覺得「提神方法」好難呃得到自己，但呃吓其他人都仲有些小妙計，CLARINS 電眼精華是我的選擇。
CLARINS 電眼精華
除了黑眼圈之外，亞洲人眼晴的眼周脂肪較多及微循環較差容易水腫，所以就算你本身擁有大眼晴也難以完全展現，攰果時輪廓更加會變得唔明顯，而 CLARINS 電眼精華含有高效天然植物精華，可減緩肌膚鬆弛速度，加埋有機燕麥糖，可即時收緊提升眼周肌膚，放大雙眼，改善脂肪型眼腫，仲有紅球薑成份可以改善水腫。
最妙的是，呢支 CLARINS 電眼精華仲可以有強化睫毛功效，減少脫落情況，睫毛豐盈細密一些，雙眼輪廓深一些，自然就有呃到人的「提神」作用啦。
YOU MAY ALSO LIKE…
#CURTIS 明仔癖
平時起身飲一杯，捱夜後飲兩杯☕☕
YOU MAY ALSO LIKE…
#EELY 明仔癖
捱夜呢家野呢，就每個月總會有幾日嘅。
明仔為咗令自己精神啲，或者叫「令人地覺得我好似好精神咁」，我就會揀噴香水，噴少少柑橘調香水，又叫「策略性嗅覺提神大法」！
BON PARFUMEUR
EAU DE PARFUM 001
話說明仔一直都好鍾意橙花嘅香味，因為聞起上嚟幾乾淨，又幾清新，仲唔會好刺鼻。之前咁岩行過見到呢支香水，隨手拎起一聞，買！佢嘅香味以橙花、佛手柑同茉莉為主，後調雖然有麝香中和，但整體都係一支好「柑橘」嘅香水，聞耐左仲會有少少苦澀味添！
YOU MAY ALSO LIKE…
#FAI 明仔癖
DIFFUSER！越嚟越覺得休息嘅質素好重要，甚至重要過時間長短。而明仔我最鐘意就係留喺我間房間，其中一個原因就係嗰陣象徵住休息嘅香味。
CULTI MILANO TESSUTO DIFFUSER
呢款 CULTI MILANO 嘅 DIFFUSER，我由外觀上已經非常鐘意，乾淨簡約令房間多一份格調，配合埋一啲唱片、海報、盆栽，完美配合同樣感覺自然 TESSUTO（布味） DIFFUSER，會令人唔想離開房間。
明仔最初係喺東京接觸到佢，上網搵一搵，發現香港原來 LANE CRAWFORD 有得賣，有興趣不妨試試。
Comments