呢幾日天氣開始變暖之餘，更煩係潮濕，落毛毛雨之餘，就連呼吸嘅質感都變得不同，洗衫難乾仲可能會有陣 UP 味，要對抗潮濕天氣，明仔實有辦法。
明仔有咩癖好？今個禮拜 PICK 咩好？
#ALEX 明仔癖
春雨綿綿，除咗帶來無限思念，更有無窮睡意。而呢種睡意並不是因為睡眠不足引起，乃係身體濕重，成個人都好似有嘢砸住，搞到又重又攰。呢啲濕氣並唔係用吸濕大笨象可以吸走嘅，而祛濕就要從飲袋入手，最緊要健脾，少食油膩生冷食物。
CHECKCHECKCIN 內在美茶-濕重
而想加強祛濕力度，祛濕茶就幫到你，用健脾、除濕利尿嘅赤小豆、眉豆製成嘅茶，就可以減輕濕重帶來嘅疲倦感。最好當然叫阿媽煲俾祛濕嘢你飲啦，但靠自己就可以買現成嘅即沖祛濕茶飲用。飲完都好倦好眼瞓嘅話，唔使諗啦，你同明仔一樣爭落周身睡眠債，今個 WEEKEND 齊齊瞓死啦！
YOU MAY ALSO LIKE…
#CHERIE 明仔癖
北歐人會因為日照時間較短而於冬天患上「季節性抑鬱」，而香港人就會因為春天的潮濕天氣引起情緒焦慮。除了情緒之外，外濕亦會影響內在臟腑進而產生內濕，許多困倦的症狀亦會隨之出現。可怕嗎？要對抗潮濕辦法不多，個人認為做運動是不二之選，如果真的太忙的話，可以選擇浸浴出汗，簡單入手一瓶舒眠沐浴鹽，睡前浸浸，不傷荷包又有安眠效果。如果皮膚不過敏的話，加薑浸腳，效果更佳。
PETALFRESH －MINERAL BATH SALT
YOU MAY ALSO LIKE…
#CURTIS 明仔癖
刺蝟內藏矽膠乾燥劑，通過無釉表面吸收周遭水份。當吸力變弱時，以微波爐加熱即可繼續使用。
DECOLE KARATTO MASCOT 刺蝟除濕機
YOU MAY ALSO LIKE…
#EELY 明仔癖
天氣一潮濕除左周身唔舒服外，最重要係明仔我個頭……塌左！老老實實，本身已經係細軟髮質，好難變得蓬鬆，呢幾日仲要變成「扁塌之最」！為咗解決呢個問題，我會喺出門前額外用這 LUSH 嘅免沖洗爽髮粉。
LUSH NO DROUGHT DRY SHAMPOO
呢款免沖洗爽髮粉可以幫手吸走頭皮上嘅多餘油脂，最大程度減低任何令頭髮更加塌嘅因素。再加上粉末帶有淡淡西柚同青檸味，清新嘅氣味即刻帶走左回南天嘅潮濕感！用嘅時候只需要攞少少粉撒係頭皮或頭髮上面，然後再梳開就可以啦，好方便！
YOU MAY ALSO LIKE…
#FAI 明仔癖
「IF YOU CAN’T BEAT THE，JOIN THEM.」
濕潮天氣好容易令頭髮造型好難打理，朝早整完下晝就已經玩完，倒不如把心一橫試試濕髮造型。
NAPLA N. 系列束感造型乳
有一款日本濕髮乳可以推薦給大家，日本品牌 NAPLA 係日本髮型師常用產品，使用後嘅亮感予人微濕、滋養感覺。順帶一提，濕髮乳嘅份量儘可能掌控得準確啲，因為太多會令到頭髮太亮，就會有種油膩、沒洗頭的感覺。使用完濕髮乳之後，用指尖將頭髮梳好，以營造線條的層次感。
Comments