都市人生活壓力大，又普遍因為工時長，想夜晚好好享受早上沒有的私人時間而罹患「睡眠拖延症」，但又知道第二天要早起，最後躺在床上無法放鬆，然後慢慢變得焦躁，最後天光才能入睡。明仔都唔例外，而面對「睡眠拖延症」，大家都各出奇謀，務求第二日可以精精神神返工。
明仔有咩癖好？今個禮拜 PICK 咩好？
#ALEX 明仔癖
明仔本身都習慣夜瞓，但近期各方面嘅壓力都搞到會有瞓瞓下醒咗又瞓唔返，甚至眼光光等天光嘅問題出現。最近明仔就試咗聽住懶特別音樂瞓覺，好似又幾 WORK，介紹下俾大家。
睡眠用超熟睡音楽 α波→θ波→δ波
話說早排明仔喺 YOUTUBE 推介，就推介咗一個 4 小時音樂，用嚟淨化家居負能量嘅音樂，令我好 AMAZED。然後經過此役，同埋 YOUTUBE AI 好似真係無孔不入，佢連你最近瞓得唔好都好似知咁，就推介咗 ALPHA 波睡眠用超熟睡音樂俾我，由 ALPHA 波慢慢進入 THETA 同 DELTA，總共 6 小時，而反正明仔喺屋企都要有啲聲，就試下啦，又好似真係令人容易瞓之餘，睡眠質素好似好咗，暫時都仲試緊，有機會同大家再 UPDATE 下。
YOU MAY ALSO LIKE…
#CHERIE 明仔癖
CUBED 口服油
大麻植物中有超過 130 種大麻素，其中含量較知名的就是 CBD 和 THC 了。不同於使人成癮致幻 THC，CBD 作為一種優秀和無成癮風險的大麻提取成分，有助紓緩日常壓力，改善睡眠週期及睡眠質素同幫助減輕焦慮及抑郁情緒。本土品牌 CUBED 亦推出 3 款不同比重的 CBD 口服油，分別為 400MG、1000MG 以及 1650MG，用家可以因應自己的需要而作出選擇，睡前幾滴就可以更容易入睡，第二朝起身的感覺仲會心情好，積極正面點，減輕焦慮及抑郁情緒！
YOU MAY ALSO LIKE…
#CURTIS 明仔癖
SLEEP IS FOR THE WEAK
HATE TO WAKE UP,
NO SLEEP = NO NEED TO WAKE UP
YOU MAY ALSO LIKE…
#EELY 明仔癖
明仔今年年初因為皮膚關係，有一段時間經常失眠，一係就攤係張床幾個鐘都瞓唔著，一係就半夜扎醒好幾次，搞到成個人都好攰好冇精神。
海浪聲背景音樂
後來我嘅解決方法就係聽住海浪聲瞓覺！可以係 YOUTUBE 搵海浪聲嘅背景音樂，記得要細細聲放係耳仔邊聽，太大聲反而仲瞓唔著啊！就算冇失眠問題，平日聽住都好解壓。
YOU MAY ALSO LIKE…
#FAI 明仔癖
SOMERSBY CIDER
講起失眠，明仔有時鐘意飲少少酒精先瞓覺，絕對唔係買醉，但務求容易啲一覺瞓天光。 後來發現有研究話，飲完酒瞓雖然真係易啲入睡，但其實會影響睡眠質素。明仔就咁睇。飲少少酒精瞓覺嘅重點係在於放鬆心情，放慢咗一整日嘅腦筋急轉彎，老套啲講享受下 ME TIME。
Comments