農曆新年仲有幾日就到，唔知大家準備好未？你會點樣過呢幾日假期呢？講到拜年必備嘅新年禮盒，明仔就有以下心水，冇頭緒嘅話可以參考下！
明仔有咩癖好？今個禮拜 PICK 咩好？
#CHERIE 明仔癖
MAISON MARGIELA 虎年新春禮盒
MAISON MARGIELA 今年虎年都出了新春禮盒，貫徹 MAISON MARGIELA 先鋒美學設計，創意總監 JOHN GALLIANO 以 RECICLA「惜舊成新」的概念於全世界各地尋獲老舊的衣飾和物件，將舊物的故事和時光印記得以保留，重組化成全新的時裝作品，而 MAISON MARGIELA 虎年新春禮物都以此概念為靈感，以復古膠片相機為媒介油上品牌經典白漆，唔用相機都可以用作擺設，相信新年送比朋友一定開心到爆！
#CURTIS 明仔癖
嘉頓什餅
多年來都是這樣，不要問，只要跟～
一成不變最舒服😌
#EELY 明仔癖
AGNÈS B. CAFÉ & FLEURISTE 新春精緻朱古力攢盒
新年緊係要食朱古力（我話嘅）！呢款禮盒就巧妙將東方傳統融入法式禮盒當中，為左更加環保，甚至連個攢盒都用朱古力製成，新年最後一日就可以連個盒一齊食埋佢，朱古力迷必收啊！
#KWAN 明仔癖
金蠔禮盒
農曆新年係傳統節日，當然唔少得傳統年貨，咁樣先有年味。花膠鮑魚呢類海味唔算令人驚豔，反而金蠔最得我心。將金蠔禮盒送俾屋企人，一齊分享呢種美味，已經好滿足。
#SHEUNG 明仔癖
下班隨手作-新春招財貓擴香石香氛精油禮盒
新一年新開始，不妨送啲有儀式感既禮盒俾親友。近年好興嘅擴香石不單只可以循環再用，仲可以做埋裝飾品。呢款新春擴香石精油禮盒就夠曬特別，每一隻招財貓都係手工製作同上色，禮盒仲包埋一支香氛精油同一支香氛噴霧添！
Comments