在2021年畢業於香港理工大學的李沛鈞 CADY LEE 在獲得服裝及紡織文學士，同年更分別
在理大時裝展獲得冠軍，創意智優青年設計才俊特別獎 2021 與香港青年時裝設計家創作
表演賽中獲得冠軍及視覺效果演繹奬，今天一起訪問 CADY 對新世代時裝的看法。
Cady Lee
當初是什麼契機讓你成為了設計師？
我由細到大都有讀ART，之後發現自己比較鍾意一啲 INSTALLATION 或者PERFORMANCEART 嘅類別，從而發現自己經常被一啲重VISUAL或INTERACTION啲嘅ARTWORK吸引，之後接觸到FASHION DESIGN，發現服裝設計唔單止要限於成衣，只要係同身體有關，天馬行空既設計概念都可以用衣服形式去表達，亦都係因為衣服係直接被身體動作影響，所以其實係一個涵概左好情感係入面既藝術表達媒介，亦都係最適合我表達嘅藝術媒介。
你認為你擁有什麼強處讓你成為一位時裝設計師？
我最鐘意既部份係我可以創造一個 INSIGHT 比人去感受某一件事或物。因為每一個人去INTERPRETED某樣野嘅角度可以好唔同，然而我會用SURREAL或LIQUIFY既方式表達我某種感受，用我自己獨有既觸角，結合不同 SILHOUETTE、顏色或者物料去演繹，令對方可以產生共鳴和反響，係我認為最有價值同埋喜愛嘅部份。
你認為你擁有什麼強處讓你成為一位時裝設計師？
我本身係一個好 VISUAL 同 DIRECT 既人，同埋我係一個比較容易同別人產生情感共鳴嘅人，所以我係整個創作過程都係好直觀簡潔，人地睇我嘅作品會好容易直接感受到我想表達嘅野，或者可以比較容易吸引到人黎睇，因為作品大部份都比較着重 VISUAL IMPACT。
你最愛的時裝品牌是……？
SCHIAPARELLI。
你最愛的時裝設計師是……？
JEAN PAUL GAULTIER。
面對壓力時會如何抒發情緒，如果管理不安和焦慮？
我嘅靈感大部份來自於我自身嘅經歷同感受，例如人與人之間的感受、環境同人之間的聯繫或者某啲特別的體驗都係我主要嘅設計靈感。同時自己既夢都係一個好重要嘅設計靈感，因為夢境其實係反映左一啲現實狀態，同時亦都將不同奇怪元素結合，所以個矛盾性會令到個設計切入點更加 FUN 同 PERSONAL！
面對壓力時會如何抒發情緒，如果管理不安和焦慮？
創造係我抒發情緒嘅主要途徑，然而壓力都係。我會嘗試用一個系列去記錄或者消化某一種情緒，同時負面情緒於我來講係一個幾重要嘅靈感創作來源，我會嘗試用一啲相對輕鬆嘅方式去表達一種沉重嘅事，從而令自己內化消化情緒。
認為 FASHION 中所謂的 NEW LANGUAGE 意為什麼？
我認為FASHION中嘅NEW LANGUAGE係代表更多嘅包容性同埋多樣性，可以利用FASHION呢個途徑去勇敢表達自己或欣賞自己，利用 FASHION 呢個途徑為自己發聲。
用三個字／詞形容 “NEW LANGUAGE”？
多樣性，包容性，流動性。
在衣服設計的物料選擇方面，你有什麼偏好嗎？
我比較鍾意做印花，所以喺物料選擇方面我會選擇一啲PRINTABLE嘅布料，同時我亦都會鍾意一啲有彈性同埋光面嘅物料例如絲絨，布料嘅光澤會隨着動作流動，令設計更加生動！
可以為我們介紹一下目前最滿意或自豪的作品嗎？
我最滿意嘅作品係我畢業作品入面嘅CLONED BLUE STRIPE THORN DRESS，因為佢係第一件我要有一個咁複雜嘅2DSKETCH變成3D GARMENT嘅第一個PIECE，創作途中經歷過好多挫敗，但最尾成果比自己想像中更加立體，所以佢係盛載咗咗好多回憶喺入面，同時都係因為呢個作品而確立左自己嘅DESIGN IDENTITY，所以對我來說好重要。
對未來設計趨勢的預測？何謂 NEXT GENERATION 的時尚？
我覺得唔會再有咁多咁明顯嘅區分，好多嘢都會逐漸更趨向CROSS BOUNDARIES，同埋會更加多樣性，因為大家越嚟越勇於表達自己，會有更多更個人化、更SURREAL嘅設計。喺呢個咁混亂荒唐嘅時勢入面，冇嘢再需要係咁認真直板，大家都會放膽去玩！
在你設計生涯之中，哪一個時刻最具標誌性？
最具標誌性嘅時刻應該係2021年至畢業個年，因為係嗰年得到左幾個獎項，同時亦都確立左自己嘅DESIGN STYLE，對自己之後嘅設計有更明確嘅方向。
你較常參與市場營銷部分，抑或製定計劃概念的部位居多？
我較常參與喺設計方面，但而家逐漸要考慮多啲市場因素，因為如果冇人可以睇到自己嘅設計，設計再好努力都係白費。
目前你在時裝界遇到最大的難題是什麼？
最大嘅難題係令自己設計可以令更加多人睇到，同埋ENGAGE到，唔可以淨係埋頭苦幹落去做設計，要諗用咩渠道令更加多人接觸或者想擁有你嘅設計，所以設計上面要考慮更加多市場因素。
你怎樣看待別人的意見，或批評呢？
別人嘅批評我會認真考慮，因為唔同人睇嘅觀點或者出發點都會唔同，然而佢可能係睇到啲你睇唔到嘅嘢，所以我每一個意見都會聆聽從而自己再分析消化。
RELATED ARTICLES:
Comments