有幾多人出門口後會因為帶漏嘢而要返屋企拎嘢呢？大頭蝦嘅明仔就成日帶漏嘢而要來回出入屋企幾次。但雖然係咁，明仔都總有嘢出門口前一定會拎嘅，等我話俾大家聽係咩先。
明仔有咩癖好？今個禮拜 PICK 咩好？
#ALEX 明仔癖
長期鼻敏感，鼻水多過浪花嘅我，出門口前一定會拎嘅係一包紙巾。唔好睇少呢包紙巾，事關佢唔止幫到我自己，仲幫到好多人。身邊男男女女都唔鍾意帶紙巾出街，抹嘴又問我拎，流鼻水又問我拎，去大又問我拎，隨時幫到人，正所謂救人一命勝造七級浮屠。
但唔係所有品牌都會用，記得揀香港或者台灣製造先好用，香港有寶碧 PULPPY，台灣有健力士 KLEENEX、皇冠 ANDREX 同絲潔 SCOTT。最近我就迷上咗健力士細包有卡通公仔紙巾，有時無意喺袋拎出嚟見到會即時會心微笑，心情都好啲，早排就由《TOY STORY》轉咗做角落生物 😀
YOU MAY ALSO LIKE…
#CHERIE 明仔癖：
除了最基本的出門三寶之外，出門我會選擇帶水樽。在2021年春季系列中，水樽甚至水樽袋的設計忽然成為一股熱潮，諸如 FENDI、GIVENCHY、LOEWE、JACQUEMUS、PRADA、SAINT LAURENT 等時裝品牌的水樽袋設計各有千秋，一方面水樽袋配合了 MICRO BAG 的潮流，一方面亦方便了熱愛做 GYM 的運動友；或想自備保溫瓶去裝 AMERICANO 的咖啡愛好者。大大小小，任何質地，任君選擇。
YOU MAY ALSO LIKE…
#CURTIS 明仔癖：
SMYTHSON DIARY
記得帶記事本，唔記得自己係文盲。
YOU MAY ALSO LIKE…
#EELY 明仔癖
今次個題定得有啲挑戰性，因為寫自己嘅「出門三寶」（鎖匙、電話同銀包）又好似太過無聊，所以雖有同大家講下明仔我只要有拎袋就一定會袋住既法寶 一 凡士林！（仲要係中 SIZE 個款）
無錯，大家先唔好 O 晒嘴先，我可以解釋下！因為明仔我有濕疹，加上屬於超乾肌，如果朝早出門，差唔多下晏塊面就會開始又乾又甩皮，呢個時候就可以薄薄印一層凡士林係面，滋潤一下！不過都因為呢個中 SIZE 既凡士林，我基本上係無得咩細袋出街嘅……（喊出黎）
YOU MAY ALSO LIKE…
#FAI 明仔癖
細細個嘅銀包。
新年執完屋，把心一橫執埋銀包！唔知大家個銀包係咪九尺咁厚呢？編輯以前就係呢種，陳年舊單廿張，會員卡一疊。通常有好多唔需要嘅嘢留咗喺銀包，再加上依家冇幾何用現金，甚至好多時都唔需要用實體卡俾錢嘅時候（但你淨係帶電話又唔得喎⋯⋯），一個細細哋嘅銀包就裝得晒啲嘢。
明仔尤其唔鐘意大銀包，甚至一般 SIZE 嘅銀包都唔鐘意，因為咁樣你一係要帶袋（唔輕便），一係就要放入褲袋（好肉酸），我就係鐘意細細隻！經過一輪選購，就揀左澳洲牌子 BELLROY 嘅銀包，細細隻而且扁平，加埋防水。
價錢實惠，幾百蚊有交易，用左幾年。明仔喺搵圖嗰陣，發現用緊嗰款已經冇列喺官網，但佢地出咗新款，雖然明仔鐘意舊款多啲，但新款絕對唔失禮。
Comments