新年過後天氣又開始潮濕，除咗會影響面部皮膚狀況，頭髮好容易變扁塌仲會油立立。各位明仔都有唔同髮型同髮質，需要處理嘅問題都唔同，等我哋明仔同大家開心些牙秘技先。
明仔有咩癖好？今個禮拜 PICK 咩好？
#ALEX 明仔癖
唔係賣廣告，明仔一直係 CHRISTOPHE ROBIN 男士淨化髮泥嘅粉絲。需知道短髮男生每日都要用髮泥或者 GEL 為頭髮造型，少不免會有髮型用品殘留喺頭皮上，久而久之會容易阻塞毛孔，引起發炎，搞搞下隨時會甩頭髮。
CHRISTOPHE ROBIN 紳士強韌淨化髮泥
呢款髮泥並唔係幫你造型嘅髮泥，而係利用火山泥為頭皮深層清潔，仲有木香味道，每次用完感覺清爽仲有香味，而且神奇嘅係當髮泥接觸頭部皮膚，加少量水分就會慢慢起泡，清潔頭部皮膚，平時忽略頭部皮膚護理嘅朋友要試試。
YOU MAY ALSO LIKE…
#CHERIE 明仔癖
由於幾年前漂過髮加每日使用電髮夾的關係，髮尾到今日仍處於輕微受損狀態，最近放棄每天用電髮夾虐待頭髮，轉用 DYSON 風筒，果然頭髮狀態有所好轉，發現比起「頭髮造型」，原來「髮質好」更加可以提升一個人的氣質。
DYSON SUPERSONIC 風筒
DYSON 風筒雖然價錢較一般風筒貴，但風力比傳統風筒強，而且吹完髮質好柔順，另外雖然風力大左但噪音卻較少，而冷暖風轉換功能亦方便了造型，特別建意經常要變換髮型的朋友入手。
YOU MAY ALSO LIKE…
#CURTIS 明仔癖
據說，喝回龍湯、還元湯功效良多，包括頭髮復黑、防脫髮。
這是中醫療法，《本草綱目》亦有記載：「尿，從尸從水，會意也。方家謂之輪回酒、還元湯，隱語也。氣味鹹，寒，無毒。主治寒熱頭痛，溫氣。童男者尤良」。
答咗你咩係回龍湯了。Cheers。
YOU MAY ALSO LIKE…
#EELY 明仔癖
明仔我自從去年電完羊毛捲（更正：係一個失敗嘅羊毛捲）之後，我嘅髮尾就一直處於一個極度乾燥嘅狀態！試過剪左佢，都試過狂搽髮尾油，但都無用。正當我以為無野可以拯救到我嘅頭髮之際，就俾我搵到呢樣野 一 AVEDA 嘅 NUTRIPLENISH 營養鎖水精華！
AVEDA NUTRIPLENISH 營養鎖水精華
呢款產品專門俾嚴重乾旱頭髮使用，配方含有有機石榴油、椰子油同芒果脂，所以有好強嘅滋潤度同鎖水能力！我通常會係濕髮時搽係髮尾位，然後再去吹頭，用量唔需要太多，大約一個 5 蚊硬幣就足夠啦！
YOU MAY ALSO LIKE…
#FAI 明仔癖
明仔揀護髮素。
明仔一向都好重視髮質，試諗下，男男女女，髮型髮色都SET好晒，咩話？咁差嘅啲頭髮？再潮都冇用啦⋯
以前一直以為長頭髮先需要用護髮素，但到大個先發現其實唔係，就算係一般男仔髮型嘅長度，一把亮澤嘅頭髮絕對幫到手。近年頭髮長咗，而又電攣左，先知道原來頭髮健康，先會攣得自然好睇，亦會更有層次。
MILBON SMOOTH SMOOTHING TREATMENT
機緣巧合下試過一隻日本護髮品牌 MILBON 嘅護髮素，雖然價錢真係唔平，成幾百蚊一支，效果都相當不錯。首先，頭皮屑嘅問題有幫助到，而且 MILBON 的確比平時嘅護髮素，用完更柔順，同埋香氣都十分有特色。
雖然明仔買咗兩次佢哋嘅護髮素就冇再回購，主要係因為真係有啲貴，但效果真係滿意嘅；而明仔到依家都 KEEP 住用緊 MILBON 嘅 HAIR WAX 同埋 TEXTURE SPRAY，效果幾好，又幾香，不妨試試。
Comments