時裝學院畢業生：畢業後的生活才是我們「火盃的考驗」？

本港不乏具有規模的時裝學院，若然連同課程一併計算，至少每年都有數千位時裝學生。但當閣下在求職網站上搜尋與時裝相關的職位，便明白到本港時裝行業僧多粥少的實況。到底一眾時裝學生畢業前景如何？我們Ming’s與數位去年的時裝畢業生進行了簡單對話，以他們最真實的經驗作個參考，分析本地時裝教育的狀況。

你們的主科是什麼？畢業後通常會透過什麼渠道找工作？

 
A: 我是Fashion Retailing的畢業生，通常只會在網站search相關職位，然後發email報名。
B: Fashion design，網站、朋友介紹等等。
C: 我是讀時裝設計的，畢業後反而與之前實習的公司聯絡，然後又問了老師們有無有工介紹。
 

找工作的成功率高嗎？找了多久？

 
A: 可能Retailing的競爭很大，send了CV數十份，最終有機會面試的只有3間左右，仲要唔請，前前後後搵左3個月左右。
B: 到現時還未有正職，只是幫下呢度幫下果度咁。
C: 成功率還好吧，因為是實習公司介紹，所以我過了一兩星期便有通知了。
 

找工作的難處是什麼？

 
A: 我覺得最難係好多讀business嘅人同你爭，同時裝有關，最多咪Buying、Merchandising，同埋Marketing、PR等等。大公司好似prefer 三大畢業比較多。有時會覺得自己好似無咩優勢咁。
B: 暫時是因為還未有我想做的公司請人/ 想做的公司唔請我，我係好揀擇，但設計呢份工就係要岩八字先做得耐…
C: 我覺得識人好過識字，入行後成日發現有些同事不怎樣，但因為人緣好，多人介紹就順利得多。就算你讀書好叻，其實上到職場又係重新學過，所以唔好太Care自己成積，努力學下點擴大network反而回報仲大。
 

同學們的就業情況如何？

 
A: 大部分都搵到工，不過未必岩心水囉。人工低工時長，好似是norm。
B: 設計同學當設計師的例子很少，只有數名。其餘的，都頂唔順香港個工作style轉行。
C: 嗯…其實還好喇，人人都有工返，只不過係未必最理想囉。
 

你認同本地行業僧多粥少的情況嗎？

 
A: 見唔洗出名先講，香港真係視教育為賺錢工具。一年收咁多學生，但市場需求又無咁大，班學生讀完口啞啞，轉行又唔係，等又唔係，好無陰公。
B: 係我蠢，香港本來都無設計可言，點解仲要去發夢？怪就怪自己走左呢條路。
C: 邊一行都係咁嫁喇…時裝可能比較嚴重囉。